भेटलो होतो तो क्षण आठवला

 भेटलो होतो तो क्षण आठवला 

विरघळलेला कण न कण आठवला

वेचतात ना जसे हातात पावसाला 

मनात मी तो साठवला 

भेटलो होतो तो क्षण आठवला

तू नुसतेच बघितले होते 

तुला काय माहित 

काय मनात घडले होते 

भरून येतो घेऊन पाऊस तो मला घन आठवला

फुलला तनुवरी पिसारा 

केसांशी खेळे गार वारा 

डोळ्यात चमकतो नव तारा 

सजते मी नखशिकांत तो सोहळा तो सण आठवला

नजर तुझी जादू करते 

काय सांगू रात कशी सरते 

मनात नुसती हुरहूर उरते 

स्वप्न पाहते  रोज नवे आज हिरवा चुडा खण आठवला

ये असा माझ्यात ये सख्या 

दे अनुभूती जुन्या नव्या 

शमणार आता हा वणवा 

भेटलो होतो तो क्षण 

पुन्हा चटकन आठवला

अमित जहागीरदार 

०५-०६-२०२१

पुणे