थडग्यातले गाणे

थडग्यातले गाणे

भंगल्या ओठात माझ्या
गीत तुझेच फुलावे
मी छेडली भैरवी अन्
तू मैफलीत यावे  ।।

वाटते आत्ताच येथे
पारिजात बहरले होते
सुगंध नुसताच आला
फुल मलूल उमलावे ।।

कोणते कुठले नाते
पक्षी चुकती किनारे
तो विसावा तुझ्या दारी
मी आकाश माझे विसरावे ।।

हे जगण्याचे भय इथले
भावनांचे स्तब्ध इमले
मी थडग्यात गुणगुणतो
सूर- शब्द हि तुझेच सुचावे ।।


अमित जहागीरदार
३ ऑगस्ट २०१५
पूणे


 

दिस येतो अन् जातो

दिस येतो अन जातो

दिस येतो अन् जातो
मी रोजच हे गातो

त्या क्षितिजा वरती
नवी फुलली नक्षी
तुज तीथे मी शोधतो
दिस येतो अन जातो  ।।

यावे अन जावे
जशी येती गावे
तुझ्यापासुनी तुझ्या सवे
तुझ्याशी येणारा प्रवास असतो
दिस येतो अन जातो ।।

हे मोर  पिसारे
आठवणीतले सारे
मी रोज तसा शहारतो
दिस येतो अन जातो ।।

- अमित जहागीरदार
   ३ ऑगस्ट २०१५
    पुणे