निराळा पाऊस

पाऊस हा निराळा होता 

बरसत आला असा पाऊस हा निराळा होता 

भिजलो चिंब तुझ्यात आठवणींचा उजाळा होता

कुठला थेंब शमवी वणवा मनातला

न समजण्या तू का इतका भोळा होता ?

तरंगती मनात स्वच्छंद ढग भावनांचे 

तू निळ्या आभाळासम मोकळा होता !!

मला वेध अंगणी पारिजात बहरण्याचे 

येण्याने तुझ्या नवा मोगरा फुलला होता 

आलेत कितिदा वसंत फेर धरूनी

अंकुर मनातला तेवढाच कोवळा होता

अमित जहागीरदार 

पुणे 

१५ सप्टें २०२५