Saturday, December 24, 2022

प्राण गुरू श्वास गुरू

प्राण गुरू श्वास गुरू
आहेस माझा ध्यास गुरू
येवोत कितीही संकटे
पाठीशी आहे 
हा विश्वास गुरू

मनात नाही किंतु
पटतो किती तू
असो मनी तुझा विचार
वा न तुला चिंतु

क्षणाचा नाही विलंब
घेऊन मला संग
करण्या निवारण
एखादी शंका 
वा नवा मनाचा ढंग

होते जे मनात सगळे
क्षणात विरून गेले
चरणी तुझ्या टेकले
घेऊन मनातली
रावणाची दहा शकले

दिलास आधार
नेणार तू  पार 
स्वप्न माझे
होणार साकार

जन्म मरणाचे फेरे
जगाचे नियम न्यारे
न शिरो मनात
अहं चे वारे

दे मजला आशीर्वाद असा
न सुटो गुरू नाद तुझा

अमित जहागीरदार
२३ जुलै २०२०

No comments:

Post a Comment