देवपण

देवपण

मनात नको कोठार भावनांचे, तू व्यक्त हो
आंदण तुला नभाचे घे भरारी, तू मुक्त हो ।।

शब्द शब्द सापडो  क्रांती ही नवी
करण्यास आक्रमण, विचारांचे तू रक्त हो ।।

विजय नसतो सोपा एवढा कळेल तुला
साचले डोळ्यात भाव जरी, तू सक्त हो ।।

दिशा दाही फिरून येतील चरणी तुझ्या
सामावले सारे तुझ्यात की तू रिक्त हो ।।

आधार का मागतो? आदर्श हो तू तुझा
मिळाले देवपण जरी असे, तू त्यक्त हो ।।

- अमित जहागीरदार
   २४. ०५. २०२०
   (लॉक डाउन )