Saturday, December 24, 2022

शब्दांचा गुंता

शब्दांचा गुंता 

शब्द त्याने चोरले
राहिले मागे भावनांचे जाळे
तो न सुटे गुंता सहज
अर्थ - दाट/क्लिष्ट /गहिरे ।।


आजवर कळलेच नाही
लिहायचे काय होते मला
उद्रेक उरले मागे
शब्द वाटती कोते मला
त्याने चोरले शद्ब तेवढे
जे असती कागदावर काळे ।।
तो न सुटे गुंता सहज
अर्थ - दाट/क्लिष्ट /गहिरे ।।

मागणे एवढेच माझे
वापरा शब्द जपूनी
वार त्यांचे होतील
म्हणतील तुम्हास खुनी
बंध तुटती जन्मभराचे वा
क्षणात खुलती ताळे ।।
तो न सुटे गुंता सहज
अर्थ - दाट/क्लिष्ट /गहिरे ।।

- अमित जहागीरदार
  १८ जुलै २०१६
  पुणे 

No comments:

Post a Comment