एका प्रेमाची कथा

एका प्रेमाची कथा 

भाग्य हे आमुचे की
दिसलात तुम्ही
नुसत्याच दिसल्या कुठे ?
आम्हाला फसल्यात तुम्ही

वाटले नव्हते हे
झालेत कसे सोप्पे
गवसले कसे आम्हास
हे सौंदर्याचे कप्पे

काय सांगावे रूपाचे तुमच्या
आकाशी कीर्तीच्या ध्वजाचे खांब आहे
कॉलेजात १०० मुले
तुम्ही यायच्या म्हणून ५०० ची रांग आहे

पण आमचे काय असे कर्तृत्व 
की ही खाण सौंदर्याची नशिबी आली
पामरच आम्ही !
तुम्हास पाहणे सोहळा
तुम्ही पाहणे दिवाळी झाली

काय बघितले माझ्यात ?
प्रिये पुसतो आज ऐटीत
इतक्या वर्षाच्या संसारानंतर
नव्या जोशात
तुझ्या माझ्या "साठीत "

प्राणसख्या, मजला होते माहित
कित्येक होते मागे
कोण होता धूमकेतू कोण भुंगा
यायचे वाटेत रोखण्या नजर
कधी विनाकारण मागे पिंगा

नुसते बघून अर्धे गारद
कुणी पहिल्याच नजरेत म्हणे बस झाले
येईना बोलण्यास पुढे
विचारायचे तर ना कुणाचे धाडस झाले

तूच सख्या तो होता
नुसताच नव्हता बघत
बोललास मनातलं अन
मन गेलास माझे जिंकत

अशी आपुली निराळी
रसभरीत कथा आहे
आज हि विचारतात ना तुला सगळे
कित्येकांची हीच व्यथा आहे

प्रेम करण्यात मजा आहे
पण ते सांगण जमलं  पाहिजे
उत्तर नाही जरी आलं तर
नव्या बागेत मन रमल पाहिजे

सापडतच एखादं  फुल
नव्या गंधाचं नव्या रंगाचं
पाखरू होऊन मनसोक्त उडावं
मिळणार नक्की फुल आपल्या ढंगाचं


अमित जहागीरदार
९ एप्रिल २०२०
(लॉक डाउन मधले पराक्रम)