नाव तुझे येते ओठी

नाव तुझे येते ओठी

नाव तुझे येते ओठी हे असे घडता भोवताली 

सुख नसे तरी भले नको चिंतेची रेष भाळी ।।

किती वेदना त्या दिसती चहूकडे 

खिन्न वार्तांचा रोज पाऊस पडे 

लागो तिरावर बोट वादळातली सरो हि रात काळी ।।

हंबरडे दु:खाचे तुटल्या जीवाच्या तारा 

मनात भीतीचे राज्य डोळ्यात समुद्र खारा 

कोण वाचला? कसा जगतोय ? उद्या कुणाची पाळी ?

आशा हीच देवा तू न सोडणार हात 

कुणी तुला स्मरो वा न,  तुझी मिळेल साथ 

दे आरोग्य ! दे आयुष्य ! उभा याचक मी घेऊन थाळी ।।

नाव तुझे येते ओठी हे असे घडता भोवताली ।।

- अमित जहागीरदार 

  १३ मे २०२१

  पुणे