Saturday, December 24, 2022

पेटणारे रान

पेटणारे रान

भावनांचा मी भुकेला, भावनांचे तू दान दे
मागणे मोठे न अमुचे नभाहून लहान दे ।।

वेगळा असा माझ्या मागण्याचा ओघ आहे
देणार का नाहीस ? ओठांना माझ्या तुझे कान दे ।।


विचार नुसता देण्याचा तुला खूप देऊन जाईन
पुन्हा मागण्याची मला नवी अशी तहान दे ।।


मागतांना -देतांना समजणे होत राहील
मलाच तू मागावे एवढाच मजला मान दे  ।।

शमेल का भूक आपुली हा प्रश्न नको
संपल्यावर मागेन हि तृप्त होण्याचे भान दे ।।

रोज येऊन तुझ्याकडे मागतो मी जीवना !!
शांत होईल माझ्याकडून असे पेटणारे रान दे ।।


-अमित जहागीरदार
 ३० एप्रिल २०१९

No comments:

Post a Comment