अशी अपुली प्रीत आहे

आसमंतास लाजवेल अशी अपुली प्रीत आहे
मी -तू न भासावे  वेगळे, अशी अपुली रीत आहे ।।

मी रंग मागतो फुलांचे केशी तुझ्या माळण्या
विस्कटतील श्वासाने, जरी केशभूषा नीट आहे ||

ये मिठीत ये, मोजणे न होवो अंतर आपल्यातले
रोमांचित होऊ दे अंग, तू तशीच रसरशीत आहे ||

रात्रीस वाटे मोद पाहून प्रीतीचा खेळ आपुला
नसे ठाऊक गुपित, तू दिवसाही तितकीच धीट आहे ||

प्रिये ये अशी बाहुत  नको ना एवढ्यात जाऊस
नको ऐकवू आता ओठांनी दे तुझ्या ओठी जे गीत आहे ||

नको मग ते लटके भांडण नको तो वाद आपल्यात
हरलीस तू कि दुःख मला, विजयात तुझ्या जीत आहे ||

अमित जहागीरदार
१३/०४/२०२०