शोधतो स्वतःला अजून

आलो कसा इथे याचे भान नाही 

न फुलताच गळेल ते मी रान नाही 

श्वास घेतले किती मोजले कित्येकदा 

सोडले निःश्वास न सदा-न-कदा 

संकटांना भिडलो डोळ्यात अश्रूंची खाण नाही ।

बघितले जे दिसले, मागितले जे भावले 

म्हटले जे कळले, चाखले जे वाढले 

पाचांना  समजावून घेतले सगळे इथे (तब्येतीस ) छान नाही ?

मी कोण, जाणार कोठे ? 

मी कसा होणार कुठे ?

याच वेडात गुंतणार हे ध्यान नाही ?

दिसता प्रकाश माझा होता 

रातीचा काळा माझा होता 

शोधतो स्वतःला, अजून हेही ज्ञान नाही !

- अमित जहागीरदार 

  ३० मे २०२१

  ००:२०