पहिलीच ती सर होती
पहिलीच ती सर होती
भेटण्यास मला आतुर
कोरडी मी होते ना
तू आला घेऊन पूर ।।
बघणे दिसणे पाहणे
झाले होते नित्यासारखे
नजर तुझी भिडली
मी मला झाले पारखे ।।
का वेड लावती जीवा
का घेते तुझ्याकडे धावा
फक्त नजरेने झाले घायाळ
नवीन तुझा काय कावा ?
विळखा तुझ्या हातांचा
असतो माझ्या तनुवरी
किमया तुझी न्यारी
अलगद हलते हनुवटी ।।
ओठांना ओठांचं देणं
स्पंदनात कण कण
पहिलीच ती सर होती
शान्त झाले रण रण ।।
अमित जहागीरदार
२० जून २०२२
No comments:
Post a Comment