हा पाऊस नवा होता
पाहिलेत किती मी जरी , हा पाऊस नवा होता
प्रत्येक थेंब सांगून गेला, तू जवळी हवा होता ।।
हा पाऊस नवा होता
मोजलेच नाही मी, मोहून गेले किती वेळा
मी भिजले होऊन राधा, तू माझा सखा होता ।।
हा पाऊस नवा होता
मी मजला कळू लागले, पावसाचे थेंब जसे
मी झाले आसंमत, तू माझा थवा होता ।।
हा पाऊस नवा होता
मी बोलावले तुला, जवळी माझ्या
ती माझी स्पंदने, तुला वाटले पारवा होता ।।
हा पाऊस नवा होता
येण्याने तुझ्या सुखाचे सूर गवसले
तिहाई गाठलेला तो दुःखाचा मारवा होता ।।
हा पाऊस नवा होता
ये माझ्याकडे, विरघळून जा माझ्यात
नुसताच अपुल्यात अजूनही , धुंद गारवा होता ।।
हा पाऊस नवा होता
पाहिलेत किती मी जरी , हा पाऊस नवा होता
प्रत्येक थेंब सांगून गेला, तू जवळी हवा होता ।।
