तू मला (अजूनही)

तू मला (अजूनही)

पहाटेच्या दवबिंदूंची शपथ
तू मला (अजूनही ) तितकीच आवडतेस
भाव कोणतेही असो मनात
तू मला (अजूनही) तितकीच भावतेस ।।

जागवून रात बोललो
किती दिवसांच्या कथा
कधी हसणारे क्षण आपुले
कधी आपुल्या व्यथा
त्या चांदण्या नभाची आण मला
तू मला (अजूनही) तितकीच वेडावतेस ।।

सांगायचे कधी तुला तर
न सांगणे तुला कधी
डोळ्यात पाहुनी कळतेच
ना काय माझ्या मनी
वेगळे नाहीच आपण माझे रूप दुसरे
तू मला (अजूनही) तितकीच भासतेस ।।

अमित जहागीरदार
२८ एप्रिल २०२०
( लॉक डाउन मधले पराक्रम )