जातोय सख्या सोडूनि

जातोय सख्या सोडूनी

बुडताच मी
वाचवणारा तू
हसताच मी
टिपणारा तू

दिसताच मी
फुलणारा तू
रुसताच मी
समजावणारा तू

आज मी आहे
जिथे जायचं होतं
अन नजरेत माझ्या
न येणारा  तू

काय झालं तू असा
निघून गेला
न बोलला काही
न काही सांगून गेला

आज जगण्याचे
बेत झालेत आणि तू कुठे ?
हवास तू मला पण
तुला शोधू कुठे ?

माझ्यासाठी जगत होतास ना
मग माझ्यासाठी ये पुन्हा
का जातोय सख्या सोडूनी
न सांगता माझा गुन्हा

अमित जहागीरदार
०३ फेब्रुवारी २०२०