तू सोबत नसतेस ना

तू सोबत नसतेस ना

दिस जातो होवूनी वेडा

तू सोबत नसतेस ना

बंद डोळे करुनी बघितले तर

तूच आता दिसतेस ना ||

                     मंद मंद पहाट होते
                    तुझ्या तनूत गुंग होते

                     बाहुत येवूनी वाटे
                     गंध हे कसे रोजच नवे ?
                    ओठांच्या रंगात रंगुनी
                     पहाटेला तू लाजतेस ना ||

घरात तू असते म्हणुनी

त्यास घर म्हणावे
तू नसतेस घरात
मन माझे सैर धावे
बहरतो कण कण माझा
पाऊस होवूनी बरसतेस ना ||

                     त्या रात्रींचा गडदपणा

                     दाटला श्वासात आपुल्या
                     मंद चांदणेही येवू शकेना
                     आता दोघात आपुल्या
                     श्वास जेव्हा बोलतो अन
                     “मी तृप्त आहे” म्हणतेस ना ||

अमित जहागीरदार
३ फेब्रु २०१०