दोन तीर

दोन तीर

आपण दोन तीर, एकाच नदीचे
भेटण्याच्या ओढीने वाहतो कधीचे ।।

कुठे कुठे गेलो
कसे कसे बुडालो
दिसतो सारखेही अन एकाच रीतीचे ।।

कधी तुझ्याकडे देऊळ
कधी माझ्याकडे वारूळ
कधी लग्नाची सनई तर दर्शन तिरडीचे ।।

दिसत तुला माझ्या बाजूच
दिसत मला तुझ्या कडचं
वाहतात का आपल्यात असावेच रडीचे ।।

भेटण्याची ओढ आहे
विरहाची खोड आहे
मिलन आपले भव्य, होऊन तट सागरीचे ।।

अमित जहागीरदार
०७ एप्रिल २०२०
पुणे (लॉक डाउन )