तृप्त
चित्र तुझे दिसणार नाही
पण तुझ्या डोळ्यात पाणी असता
मी कधी हसणार नाही ।।
हात हातात घेऊन चालणे
प्रत्येक क्षणी जमणार नाही
पण तुला गरज भासल्यास
मी दूर जाणार नाही ।।
मिठीत ये ! म्हटले असता
लगेच मिठीत येेणे जमणार नाही
पण तुला हवे काय आणि केव्हा
याचा विसर पडणार नाही ।।
साथ जन्मभराची आपुली
असे वायदे करणार नाही
पण मी असेल सोबतीला तर
ऐकटे तुला वाटणार नाही ।।
भेटावे पुढल्या जन्मी
हि आशा मी ठेवणार नाही
पण तृप्त होऊन जगू इतके कि
मागे काही उरणार नाही ।।
अमित जहागीरदार
२५ Oct २०१७
