जीवनाची दिशा

दिशा बदलली जीवनाची
सुटला कसा हात हातातुनी
रंग लागले हाताला जरी
वाट चुकली
फुलपाखरा मागे धावून  ।।


जगण्याचे प्रयत्न इथले
कालच मला गुपित कळले
मी माझा देखील नव्हतो अन्
नात्यांचे बंध एवढे कोरडे

सोबत तशी दोन दिवसांची
नवा प्रवास
मग नवा गडी शोधून ।।

कुणी असतो वेडा बापुडा
कुणाचा येथे व्यर्थ लढा
कुणास दु:ख दिसत हि नाही
आपण का त्यासाठी कुढा ?


व्यथा विना तक्रारीची
संपला रस्ता
मी जातोय थडग्यात झोपूनी ।।
दिशा बदलली जीवनाची
सुटला कसा हात हातातुनी ।।


- अमित जहागीरदार
   २२ एप्रिल २०१६