थडग्यातले गाणे
भंगल्या ओठात माझ्या
गीत तुझेच फुलावे
मी छेडली भैरवी अन्
तू मैफलीत यावे ।।
वाटते आत्ताच येथे
पारिजात बहरले होते
सुगंध नुसताच आला
फुल मलूल उमलावे ।।
कोणते कुठले नाते
पक्षी चुकती किनारे
तो विसावा तुझ्या दारी
मी आकाश माझे विसरावे ।।
हे जगण्याचे भय इथले
भावनांचे स्तब्ध इमले
मी थडग्यात गुणगुणतो
सूर- शब्द हि तुझेच सुचावे ।।
अमित जहागीरदार
३ ऑगस्ट २०१५
पूणे
भंगल्या ओठात माझ्या
गीत तुझेच फुलावे
मी छेडली भैरवी अन्
तू मैफलीत यावे ।।
वाटते आत्ताच येथे
पारिजात बहरले होते
सुगंध नुसताच आला
फुल मलूल उमलावे ।।
कोणते कुठले नाते
पक्षी चुकती किनारे
तो विसावा तुझ्या दारी
मी आकाश माझे विसरावे ।।
हे जगण्याचे भय इथले
भावनांचे स्तब्ध इमले
मी थडग्यात गुणगुणतो
सूर- शब्द हि तुझेच सुचावे ।।
अमित जहागीरदार
३ ऑगस्ट २०१५
पूणे
