आज रडावेसे वाटते पण
अश्रूंची साथ नाही
चालायचा मार्ग आयुष्याचा पण
हाती कुणाचाच हात नाही ||
मी तुझ्या जवळ आहे
हा नुसताच आवाज सोबतीला
मी पूसले देखील नाही
"येतेस ?" असे तिला
ती हो म्हणाली की नाही
हा प्रश्न मनातून जात नाही ||
घोंगावत आले तेव्हा
शपथांचे वारे
साक्षीला होतो चंद्र
अन् नभातले तारे
लपला चंद्र कोठे आता
अमावस्येची आज रात नाही ||
मी माझे म्हटले त्याला
जे नव्हते माझे कधी
वाटते आज का जडली ही
आपले पणाची व्याधी
जो तो अपुल्या दुनियेत
स्थान मला त्या जगात नाही ||
मी गेल्यावरही उगवतील
उद्याच क्षितीजावर दिवस नवे
वाटते गाळावीत माझ्यासाठी
कुणी फक्त दोन आसवे
कुणी थांबावे क्षणभर मजसाठी
ऐवढेही मी मागत नाही ||
आज रडावेसे वाटते पण
अश्रूंची साथ नाही ||
No comments:
Post a Comment