वादळ

वादळात मी उभी एकटी
आधार मला माझाच नाही
तू दिसतोस उभा समोर
प्रश्न घेवून काही ||

मी दिल्याघेतल्याचे मोजलेच कुठे
फुललाच नाहिस तू
मन तुझे कोमेजलेच कुठे
घेवून आलास न विसरता हिशेबाची वही ||

ते दोन श्वास हरवलेले माझे
ओठातले गाणे
स्वरहिन अन् विरलेले माझे
हाती माझ्या फक्त वीण राही ||

का असा तू कोरडा भिजतो
गाठ जन्माची अन्
पहील्या मिठीत थिजतो
खुणावतात तुला फक्त दिशा दाही ||

यश मिळो तुला तुझे भाग्यातले
आकांक्षा पुर्ण अन्
चिंतेन की व्हावो तुझे भले
हेच स्वप्न मन माझे पाही ||

अमित जहागीरदार
३ एप्रिल २०१५