येणार ना साजणा

येणार ना साजणा


वाट पहाटे मी तुझी येणार ना साजणा
वाटते मजला कवेत घेणार ना साजणा ।।

दूर कोठे सारंगीचे सूर बेरंग वाटतात
श्वासांचे गीत तुझे ऐकवणार ना साजणा ।।

जळते तुझ्यासाठी होऊनी पतंग दिनरात
विझलेचं जरी आज नभी उगवणार ना साजणा ।।

कित्येकदा मी आशेने ना केले दार घरचेही बंद
एकदा पाहावे तुला भेटलो जरी सरणावर ना साजणा ।।

अमित जहागीरदार
१२ एप्रिल २०२०
(लॉक डाउन मधले पराक्रम)

तू पड झड होती

तू पड झड होती

पाहावे एकदा तुला मनात माझ्या तळमळ होती
बघण्यास यावे तर गावात तुझ्या हळहळ होती ।।

मी जाळले माझेच घर अश्रूंनी माझ्या
भेटणाऱ्याच्या डोळ्यात एक जळजळ होती।।

तुही बघितले होते प्रेमाने माझ्याकडे प्रेमाने
चाहत्यांची तुझ्या हीच खंत अन मळमळ होती।।

आकाशात एका वादळाची नांदी होती
रानात मनातल्या माझ्या नुसती सळसळ होती।।

तू गेलीस ते झाले बरे एक प्रकारे
नवी पालवी फुटेल कारण तू पड झड होती।।

- अमित जहागीरदार
   २३. ०५. २०२०
   २०. ५३
  (लॉक डाउन मधले पराक्रम )

सात जन्माचे बंध

विचार तुझाच मनी न एका क्षणाची उसंत आहे

प्रेम आमचे समजूतदार वेड हे जातिवंत आहे

दिसलेत का तुला कधी चेहऱ्यावर दुःख

बघितल्या पासून तुला ना तमा ना खंत आहे

मी दिसतो तुझ्या सारखा म्हणतात सगळे

डोळ्यात तुझ दिसणं मला तितकंच पसंत आहे

त्यांना आवडत गीत ओठांनी म्हणून कानांनी ऐकायचं

आम्ही वेगळे ओठांच गाणं ओठांनी ऐकणं पसंत आहे

भेटलीस तू की वेळ जातो क्षणात उडूनी

तू येणार असली की मात्र वेग त्याचा संथ आहे ?

वाटत तुला भेटलो होतो या आधी सुद्धा कित्येकदा

ना काही दिवसाच ना वर्षांचे हे सात जन्माचे बंध आहे

अमित जहागीरदार

१७ एप्रिल २०२०

लॉक डाऊन मधले पराक्रम

भाग्य

भाग्य

हातावरल्या रेषांमध्ये भाग्य अपुले शोधात होतो
उंच भरारी घेता नभी, थडगे अपुले खोदत होतो
आलीत वादळे किती कळले नाही
चित्त माझे जराही ढळले नाही
लाटांना मनातल्या सुनामी होण्यापासून रोखत होतो

मी दिलेत वचन पूर्ण करण्यासाठी
मी बघितले स्वप्न पूर्ण करण्यासाठी
तुटलेत कधी ते - अलगद पापण्यांनी वेचीत होतो

पुन्हा पुन्हा तुझी वाट पहाणे
न येण्याचे तुझे नवे बहाणे
समजावता मनाला तुझ्यातला "मी" शोधात होतो

मला कळले फक्त तुला देणे
न बघता - किती होते बाकी येणे
तू घेण्याचे आणि मी युगाच्या साथीचा हिशेब मांडत होतो

भोवताली जरी अंधार होता
आठवणींच्या तुझ्या आधार होता
मनात तूच जरी श्वास शेवटचे मोजत होतो

अमित जहागीरदार
६ मार्च २०१९
पुणे

पहिलीच ती सर होती

 पहिलीच ती सर होती 

पहिलीच ती सर होती 

भेटण्यास मला आतुर 

कोरडी मी होते ना 

तू आला घेऊन पूर ।।

बघणे दिसणे पाहणे 

झाले होते नित्यासारखे 

नजर तुझी भिडली 

मी मला झाले पारखे ।।

का वेड लावती जीवा 

का घेते तुझ्याकडे धावा 

फक्त नजरेने झाले घायाळ 

नवीन तुझा काय कावा ?

विळखा तुझ्या हातांचा 

असतो माझ्या तनुवरी 

किमया तुझी न्यारी 

अलगद हलते हनुवटी ।।

ओठांना ओठांचं देणं 

स्पंदनात कण  कण 

पहिलीच ती सर होती 

शान्त झाले रण रण  ।।

अमित जहागीरदार 

२० जून २०२२

न बंध आज मला न प्रश्न आज तुला 

का विचारायचे मग झाल्यात का चुका ?

तुला कळलेच होते 

जीव गुंतला तुझ्यात 

श्वासात तू असते 

मी जोवर हयात 

प्रेम आहेस का ? मग तू विचारते पुन्हा  

नको ते सांगणे 

दुसऱ्याच्या कथा 

मला कळल्या नाही 

तुझ्या काही व्यथा 

प्रेम का विसरते ? झालो का मी परका ?

बोलणे जाड गेले 

तू किती प्रिय आहे 

माझ्यापेक्षा मला 

तू किती स्वीय आहे 

प्रश्न येतोच का मग हा सारखा ?

का विचारायचे मग झाल्यात का चुका ?

अमित जहागीरदार 

१० जून २०२२ 

अलिबाग 

पेटले मनाचे रान

भार हे वाहू किती, बाहुत ना प्राण आता ।।

जाळल्या भावना, पेटले मनाचे रान आता ।।

कुर्सीनात द्या परत मला 

विकला कवडी मोल आम्ही मान आता ।।

फकिरांना वेध सोन्याचे 

वेचणारे झाले इथे आता मग  महान आता ।।

तो वेगळा म्हणून आला 

झाला येऊन असा अपुल्यात समान आता ।।

रंग बघून झेंड्याचे भांडलो 

रंग पहा सांडलेल्या रक्ताचा किमान आता ।।

अमित जहागीरदार 

२२ ऑगस्ट २०२२