व्यथा

व्यथा

कुणी कुणासाठी जीव जाळला
ऐकल्यात मी कथा किती
मागितले दोन थेंब पाणी
सांगितल्या लोकांनी व्यथा किती  ।।

आयुष्यभराची व्यथा होती
त्याचे वाटले न दु:ख तसे
अपुले आपुले वाटणारे
झालेत अचानक रुक्ष कसे

असणे नसणे : मागणे देणे
तश्या फक्त अवस्था
तुझ्या वर न वेळ येवो
न ढळो आमुची आस्था

अरे देण्यात काही मजा असते
दिलेत का कधी कुणा
दिलेत कि कळेल
दिले कि घ्यावेसे वाटते पुन्हा

असो तुझे विचार मोठे
आचारात हि फरक पडो
पुन्हा मागणे हेच कि
तुझ्या वर मागण्याची वेळ न येवो ।।


- अमित जहागीरदार
  २४ ऑगस्ट २०१६