सांग ना तुझ्यात अस काय आहे ??
तू दिसलीस अन
मनात गुलमोहर फुलाला होता
तू हसलीस गाल्यातल्या गालात तर
मी हातात शुक्रतारा धरला होता
तू येतेस ना त्या किनाऱ्यावर
तेव्हा म्हणे सूर्य मावळत असतो
कि तुझ्या डोळ्यातल्या तेजावर मत्सराने
लाल बुंद होईन जळत असतो
सांग ना तुझ्यात अस काय आहे ??
तू भेटलीस कि
चांदण अनुभवायला मिळत
मनातला निशिगंधाला
फुलायला मिळत
आकाशातल्या चंद्राला
माझ्याशी बोलावस वाटत
लालचुटुक गुलाबाला हसावस वाटत
सांग ना तुझ्यात अस काय आहे ??
तुझ्या केसांचा झटका
हृदयाचा ठोका चुकवतो
मनातल्या गाण्याचा ठेका चुकवतो
तू केस मोकळे सोडलेस कि
मी हरवतो माझ्याही नकळत
मनातल्या मनात राहतो
एक गाण गुणगुणत
सांग ना तुझ्यात अस काय आहे ??
तू येशील म्हणून
तुझ्या वाटेत पडून राहतो
तू दिसलीस कि वाऱ्यासंगे
स्वच्छंद उडून जातो
तुझी एक नजर भेट
माझ्यासाठी गगनविहार होतो
मनातल्या वीणेची
झंकारलेली तार होतो
सांग ना तुझ्यात अस काय आहे ??
तू हातात हात घेतलास कि
विसरणं अनुभवायला मिळत
मनात तुझ्याच विरघळण अनुभवायला मिळत
आकाशात ढगांनी कोरलेल
एखाद गीत वाचायला मिळत
क्षणभर तरी श्वासांशिवाय
जगायला मिळत
सांग ना तुझ्यात अस काय आहे ??
तू दूर करतेस केसांना
अलगद गालावरून
मला वेड लागलंय तुला
तेव्हाच बघायचं चोरून
मग दुसरीकडे कुठेच
मन माझं वळत नाही
तुझ्या केसांवर जळाव कि हातावर
मलाच माझ कळत नाही
सांग ना तुझ्यात अस काय आहे ??
पाऊस पाडण्यासाठी ढग हवेत
यावरून माझा विश्वास उडतोय
मनात तर रोज रोज नवा
पारिजात फुलतोय
पण गंध म्हणजे काय ते
तुझ्याजवळ आल कि च कळत
मग मन त्या कोपर्यावरील
चाफ्याला उगाचच हिणवत
सांग ना तुझ्यात अस काय आहे ??
ज्या दिवशी तू मला
नुसतीच दिसतेस
अवांतर पण थोडस
माझ्याशी बोलतेस
त्या दिवशी चांदण्या मोजण्याचं
धाडस करावास वाटत
आकाशातल्या चंद्राशी
खूप खूप बोलावस वाटत
सांग ना तुझ्यात अस काय आहे ??
तुझा स्पर्श झाला कि
भिजण म्हणजे काय कळत
मन मात्र उगाच
तुझ्या लिपस्टिकवर जळत
तुझ्या मिठीत आल्यावर
मनातल दु:ख उडून गेल्या सारख वाटत
माझ् "मी " पण तुझ्यात विरून गेल्यासारख वाटत
सांग ना तुझ्यात अस काय आहे ??
सांग ना तुझ्यात अस काय आहे ??
अमित जहागीरदार
८ -१० -२०००
सांगली
