नवे नवे दृष्टिकोन
भावनांचे डोह फुटलेत
तू भिजलिस का ?
जगण्याचे बेत झालेत त्यात
तू दिसलीस का ?
मी दिलेले वचन मजला
कळले काय होते का तुला
रिक्त जागा आयुष्यतल्या
तू भरशील का ??
मी तुझा होतो असा
पाण्यातला मासा जसा
श्वास होऊन माझ्यात
तू भिनलीस का ?
वचनांचे शब्द दोन
नवे नवे दृष्टिकोन
निसटले हातातून हात जेव्हा
तू हसलीस का ??
अमित जहागीरदार
२३-२४ सप्टें २०२०
माझा प्राजक्त होतो
दिसताच तू मजला माझा प्राजक्त होतो
वाहून तुला सारे मी पुन्हा आसक्त होतो
घेतले श्वास किती
मोजण्याची ना मती
तुझ्यात विरून मी असा रिक्त होता
किती झुरावे तुझ्यासाठी
किती फुलावे तुझ्यासाठी
बंधनात अडकून या मी मुक्त होतो
दिसतो तुझा चेहरा
बघता आरसा खरा
रूपात तुझ्या मी आता व्यक्त होतो
- अमित जहागीरदार
२७ जून २०२२
