Sunday, October 27, 2013

छंद

अजूनही कसा जीवंत मी
जगण्याची एक खंत मी ।।

गेल्याने तुझ्या श्वास गेले
जगण्याचे सर्व ध्यास गेले
कोरडा तरी वाहतो का संथ मी ।।

भोवतालचा शोधतो अर्थ
माझ्यात न  दिसला  कधी स्वार्थ
वाचवतोस स्वतः ला इतका बुद्धीवंत  मी ।।

वेगळा असे मी किती वेगळा
कितीदा ओरडलो फाडूनी  गळा
आभाळ दु:खं झेलणारा पंथ मी ।।

भोगले किती ? कसे विसरू आता
शब्द रुसती कोणतेही गीत गाता
डोळ्यात पाणी अन दाटलेला कंठ मी ।।

दिलेस दु:ख तू , मी स्विकारीले
श्वासात पेरुनी सन्मानिले
घायाळ करण्याचा तुझा छंद मी ।।

- अमित जहागीरदार
  २१ ऑगस्ट  २०१३
  पुणे 

No comments:

Post a Comment