राधा मी तुझी

राधा मी तुझी 

मी तुला पाहिले
अन होते ते वाहिले
मनावरी  कोरिले
नाव तुझे

ओढ भेटीची मनी
दिस संपे एक क्षणी
वाट तुझी पाहुनी
जीव जळतो

हुरहूर तुझी अशी
नटले मी कितीही जरी
चांदणे नेसले तनुवरी
वाटे कणभर

बाहुत बाहू जरी गुंतले 

अंतरआपुल्यातले संपले

मन अलगद तरंगले
भरले नाही

आठवणीसाठीच का भेट
विचारात तुज थेट
उत्तर तुझे नुसतेच
गोडं हास्य

येशील ना मना
सख्या सवंगड्या पुन्हा
होऊन माझा कान्हा
राधा मी तुझी

१६ जान २०१९
बंगळुरू