येऊनी तुझ्या चरणी
तुलाच शोधिले
दिसताच पूजिले
होतास कुठे?
कितीदा पुसले ।।
वादळांच्या वेटोळ्यात
गर्दीच्या गलक्यात
अंतरीचे गीत माझ्या
तूच ना रे ऐकिले ।।
मी न असे नास्तिक
पण भावनांची भीक
घालून कुणास तू
काय आजवरी दिले ।।
हात घेऊन हाती
ने मज पैलतिरी
तिथे भेटेल प्रिती
आणि सत्य मनातले ।।
नामात तुझ्या वेडा मी
मार्गातला खोडा मी
होईल पुन्हा खरा मी
पुजता विठ्ठल्ले ।।
भार होता मनावरी
वाटे तो मोरपिसापरी
येऊनी तुझ्या चरणी
जग मी सारे जिंकले ।।
अमित जहागीरदार
२४ जून २०१९
तुलाच शोधिले
दिसताच पूजिले
होतास कुठे?
कितीदा पुसले ।।
वादळांच्या वेटोळ्यात
गर्दीच्या गलक्यात
अंतरीचे गीत माझ्या
तूच ना रे ऐकिले ।।
मी न असे नास्तिक
पण भावनांची भीक
घालून कुणास तू
काय आजवरी दिले ।।
हात घेऊन हाती
ने मज पैलतिरी
तिथे भेटेल प्रिती
आणि सत्य मनातले ।।
नामात तुझ्या वेडा मी
मार्गातला खोडा मी
होईल पुन्हा खरा मी
पुजता विठ्ठल्ले ।।
भार होता मनावरी
वाटे तो मोरपिसापरी
येऊनी तुझ्या चरणी
जग मी सारे जिंकले ।।
अमित जहागीरदार
२४ जून २०१९
